出前一丁好味煮法~~~
1. 想食入哂味既話:
滾好適量既水, 然後落麵,
等o的麵散開哂之後, 再落麻油, 味粉
然後撩佢幾o下熄火, 蓋好個煲等5分鐘左右,搞掂
2. 想食香口既話: <br>滾好適量既水, 然後落麵,
等o的麵散開哂之後, 用筷子夾上碟 <br>個煲o的水倒哂佢,
然後用回個煲加少少油, <br>燒兩燒之後將o的麵倒返落去,
然後個煲輕輕離開火面, <br>同時用木筷子勁撩o的麵,
唔好俾佢痴底, <br>炒幾炒之後, 落3/4包味粉,
再勁撩, 撩到o的色澤平均o的,
然後上碟再加麻油,
搞掂...(記住唔好用穫黎炒, 難食好多)
3. 想食爽口既話:
先放一大煲凍水
用另一個煲滾好適量既水, 然後落麵,
等o的麵散開哂之後,
用最短既時間倒左o的熱水去,
再將o的麵倒落果大煲凍水果度,
>再開大水喉勁沖o的麵,
等o的麵凍左, 然後要即刻隔哂o的水去,
唔好用水沉住o的麵
(成個過程動作要快..), 然後用個細煲,
放適量水, 落味粉,
較好味之後水滾熄火,
將o的湯倒落o的麵果度,
加麻油..又搞掂...
4. 芝士撈麵
用另一個煲滾好適量既水, 然後落麵,
等o的麵散開哂之後,
用最短既時間倒左o的熱水去, 然後將o的麵上碟.
跟住煲滾o的新水, 用個大湯殼,
放適量既卡夫芝士落去個湯殼果度,
隔水將o的芝士煮溶,
溶左之後即時淋上麵面, 食得...
5. 勁懶煮法
滾好適量既水, 然後落麵落粉落麻油,
蓋好個煲然後由得佢煲,
聞到公仔麵既香味之後, 就可以熄火落碗....
