本人覺得如果我將我自己真金白銀買翻黎既正版cd或vcd擺上網俾d朋友download，冇任何利益得到，咪等如長期借隻碟俾人；又或者將自己睇完既正版書借俾人睇，何來不對？如果真係不對，禁公共圖書館買金鏞小說返黎再借俾市民睇又點計先；d細路將d pastpaper同marking scheme借俾人或者問人借唔通又唔岩？﹗
我真係認為果d唱片公司電影公司同d歌手藝人成日話d下載令佢地損失好多錢，要禁止d下載，如果有人籍禁樣下載黎搵錢就真係唔岩﹗但如果好似上面禁我鍾意買左翻黎借俾朋友又有何錯呀？﹗只不過我既朋友編佈世界各地之馬；
其實d唱片公司電影公司同d歌手藝人自私就真，唔諗下依家既情況係因為今時今日既資訊科技發達所至，係佢地當年決定用光碟黎出唱片時冇諗到既結果，依家出左事就將個責任推曬俾全世界，一味話人地錯，佢地就岩曬；d歌手藝人成日都叫d年青人去適應環境，結果佢地自己就唔去適應依家乜都電腦化既環境，一味要全世界去就佢地。其實佢地依家要做既唔係去要求人地點點點點，應該係諗計點樣可以令d歌同電影既碟同檔案唔可以複製，等d人冇辦法係網上大量散佈出去。
